«Бернли» Дастан Сәтпаевтің тарихи дебютіне үн қосты
«Бернли» клубы Дастан Сәтпаевтің тарихи дебютіне үн қосты. Қазақстандық футболшы ағылшын клубы сапында өнер көрсеткен тұңғыш қазақстандық атанды.
Сурет: zakon.kz
«Бернли» клубының баспасөз қызметі қазақстандық футболшы Дастан Сәтпаевтің тарихи дебютіне жедел түрде жауап беріп, әлеуметтік желілерде арнайы жазба жариялады. Ағылшын клубының мәлімдеуінше, Сәтпаев «Бернли» сапында өнер көрсеткен тұңғыш қазақстандық футболшы атанды.
14 тамызда Сәтпаев лондондық «Челси» клубынан «Бернлиге» бір маусымға жалға берілген еді. Келісімшартта сатып алу құқығы қарастырылмаған.
Ал 23 тамызда қазақстандық шабуылшы Чемпионшиптің екінші туры аясында екінші таймда алаңға шықты. «Вест Бромвич Альбион» өз алаңында «Бернлиді» 3:1 есебімен ұтты.
