Қызылорда облысында жол апатынан үш адам көз жұмды
Фото: inbusiness.kz
Қызылорда облысында болған жол-көлік оқиғасы салдарынан үш адам қаза тапты, деп хабарлайды Qazaqtoday.info ақпарат порталы.
Қайғылы оқиға 22 тамыз күні таңғы сағат 07:00 шамасында Қарабұтақ – Шымкент – Қызылорда тас жолында болған.
Қызылорда облыстық полиция департаментінің мәліметінше, КамАЗ бен Nexia маркалы автокөліктер соқтығысқан.
«Қазір тергеу жүріп жатыр», – деп хабарлады ведомство.
Аталған дерек бойынша тиісті тергеу амалдары басталды. Істің барысы облыстық полиция департаментінің бақылауына алынды.
Әлеуметтік желіде жол апатынан көз жұмғандардың Өзбекстан азаматтары екені туралы ақпарат тарады.
