Қарағанды тұрғыны TikTok-тағы әрекеті үшін 10 тәулікке қамалды
Фото: скриншот ЖИ арқылы өңделді
Қарағанды облысында полиция қызметкерлері интернет кеңістігіне жүргізілген мониторинг барысында TikTok әлеуметтік желісінде заң талаптарына қайшы контент жариялаған 56 жастағы стримерді анықтады, деп хабарлайды QazaqTodayinfo.kz ақпарат порталы.
Қарағанды қаласының тұрғыны Еркен Жантыкпаев әйелдер киімін киіп, құқыққа қайшы мазмұндағы бейнематериалдар жариялаған. Полиция аталған дерек бойынша тиісті шаралар қабылдады. Сот шешімімен азамат 10 тәулікке әкімшілік қамауға алынып, ресми ескерту жасалды.
Полицияның мәліметінше, азаматтың әрекетіне құқықтық баға беріліп, заңнамада көзделген жауапкершілік шаралары қолданылған. Қазіргі уақытта Еркен Жантыкпаев әлеуметтік желідегі аккаунттарын өшірген. Полиция оның әрекетіне қатысты бақылауды жалғастырып жатыр.
Ескерту талаптарын қайта бұзған жағдайда, қолданыстағы заңнамаға сәйкес неғұрлым қатаң жауапкершілік қарастырылуы мүмкін.
