Қарағанды облысында Нұра өзенінің жағасы қоқысқа толды: тазалыққа кім жауапты?

Қарағанды облысында Нұра өзенінің жағасы қоқыс алаңына айналғаны түсірілген видео әлеуметтік желіде тарады. Кадрлардан демалыс орнында пластик және шыны бөтелкелер, полиэтилен пакеттер мен басқа да тұрмыстық қалдықтардың шашылып жатқанын көруге болады.

Видео авторы өзен жағасын демалушылар осындай күйге түсіргеніне наразылық білдірген. Бұл жағдай демалыс орындарын тазалау мен қоқыс шығаруды жергілікті әкімдік қаншалықты бақылап отыр деген мәселені де көтереді.

Алайда әзірге қоқыстың нақты қай аумақта жиналғаны және оған жауапты әкімдіктің қандай шара қабылдағаны туралы ресми ақпарат жарияланған жоқ.

Фото: @rec_krg