13 тамызда Қазақстанның бірқатар қаласында ауа сапасы нашарлауы мүмкін
Қазгидромет 13 тамызда Қазақстанның бірқатар қаласында қолайсыз метеорологиялық жағдайлар күтілетінін хабарлады. Ауа сапасының нашарлауы ықтимал.
Сурет: turkystan.kz
«Қазгидромет» РМК еліміздегі ауа сапасына қатысты болжамын жариялады. 13 тамызда Алматы, түнде Қарағанды, Жезқазған, Теміртау, Өскемен, Астана қалаларында қолайсыз метеорологиялық жағдайлар күтіледі, – делінген хабарламада. Бұл туралы Qazaqtoday.info сайты хабарлайды.
Қолайсыз метеорологиялық жағдайлар дегеніміз – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. Мұндай жағдай кезінде елдімекендердегі атмосфералық ауаның сапасы нашарлауы ықтимал.
