Атыраудағы сұмдық жағдай: «Нұрсаяда» ер адам әйелді аяусыз соққыға жықты
Фото: видеодан скрин
Әлеуметтік желілерде Атырау қаласының Нұрсая шағын ауданында түсірілген шошырлық бейнежазба тарап жатыр, деп хабарлайды Qazaqtoday.info ақпарат порталы.
Түн ішінде, 21-ші үйдің ауласында болған оқиғада ер адам мен әйелдің сөзге келіп қалғаны көрінеді. Сәлден соң ашуға мінген ер азамат қорғансыз әйелді жұдырықпен ұрып, тепкінің астына алады. Бейнебақылау камерасына ілінген бұл сорақы көрініс куәгерлердің көз алдында болған.
Жапа шеккен әйелдің жағдайы мен оның полицияға шағымданған-шағымданбағаны әзірге белгісіз. Қазіргі уақытта редакция құзырлы органдардан ресми түсініктеме күтуде.
