Нұртас Адамбай АҚШ-қа көшуінің шын себебін айтты
Нұртас Адамбай АҚШ-қа көшуінің себебін айтты: Голливудтағы арманы, жасанды интеллектпен фильм түсіру, сынға жауабы.
Сурет: politico.kz
Қазақстаннан кеткен танымал режиссер, актер әрі продюсер Нұртас Адамбай АҚШ-қа қоныс аударуына қатысты алғаш рет жан-жақты пікір білдірді, деп хабарлайды Qazaqtoday.info сайты.
Сұхбат барысында ол Голливудта жұмыс істеу бала күнгі арманы болғанын айтып, бастапқыда Америкаға уақытша ғана баруды жоспарлағанын жеткізді. Алайда уақыт өте келе бұл сапар отбасымен бірге ұзақ мерзімге қалу туралы шешімге ұласқан.
Режиссердің айтуынша, бүгінде ол АҚШ-та кино өндірісіндегі жаңа технологияларды меңгеріп, жасанды интеллектінің көмегімен фильм түсіру бағытында жұмыс істеп жүр.
Сұхбат барысында Нұртас Адамбайдың шетелге көшуіне байланысты қоғамда айтылған пікірлер де сөз болды. Ол бұрын дәстүрлі құндылықтарды қолдап сөйлеп, кейін АҚШ-қа қоныс аударуына қатысты сынға жауап берді. Адамбай мұнда ешқандай қайшылық көрмейтінін айтып, әр адамның өз таңдауын жасауға құқығы бар екенін жеткізді. Оның сөзінше, АҚШ-та өмір сүріп жүрген уақытта өзі бұрын сын айтқан құбылыстарды күнделікті өмірде кездестірмеген.
