Асаба Сабыржан Түзелбаевтың «өртің көп болсын» дегені желіде сынға ұшырады
Тойда өрт сөндірушіге «өртің көп болсын» деген асаба Сабыржан Түзелбаев желіде сынға ұшырады. Теміртаудағы мазардағы өртке байланысты үндеу жасалды.
Сурет: ozgeris.info
Бір тойда өрт сөндіруші маманға «өртің көп болсын» деп тілек білдірген асаба Сабыржан Түзелбаевтың сөзі әлеуметтік желіде кең таралып, қатты сынға ұшырады. Желі қолданушылары оның бұл әрекетін жауапсыздық деп бағалап, теріс пікірлерін білдірді, деп хабарлайды Qazaqtoday.info сайты.
Осы оқиғаға байланысты желіде тағы бір бейнежазба пайда болды. Онда Теміртаудағы мазарда жақында ірі өрт болғаны, өрт сөндірушілердің оны әрең ауыздықтағаны айтылады. Автор Сабыржанға үндеу жасап: «Сабыржан, мынау Теміртаудың бейіті. Ана жерде сенің анаң Күмісай жатыр. Кеше осы жерде өрт болып әзер сөндірді. Сен айтқалы шынымен өрт көп болып кетті. Халықтан кешірім сұрап, мына жерге келіп құран оқып кетесің-ау», – деді ол.
