Челси ойыншы нөмірлерін жариялады: Сатпаев 36-нөмірді алды
«Челси» клубы пресезондық жолдастық ойындарға қатысатын ойыншылардың нөмірлерін жариялады. Қазақстандық Дастан Сатпаев 36-нөмірді киді. Коул Палмер 10-нөмір алды.
Сурет: tengrisport.kz
«Челси» клубының ресми сайтында жақын арадағы жолдастық кездесулерге қатысатын ойыншылардың тізімі мен нөмірлері жарияланды, — деп хабарлайды Qazaqtoday.info сайты.
Коул Палмер 10-нөмірді, Жоау Педро 20-нөмірді, Эстевао 41-нөмірді алса, Сатпаев 36-нөмірлі жейдені киетін болды.
Клубтың мәлімдемесінде: «Маусымдық дайындық кезінде ойыншылардың жейде нөмірлері олардың 2026/27 маусымындағы түпкілікті нөмірлеріне сәйкес келмеуі мүмкін. Бұл туралы толығырақ ақпарат кейін беріледі», — делінген.
Футболшылар бүгін Сиднейге ұшып кетті, онда 28 шілдеде жергілікті «Вестерн Сидней» командасымен, ал 1 тамызда «Тоттенхэммен» ойнайды.
Содан кейін лондондық клуб Гонконгте 5 тамызда «Ювентуспен», Индонезияда 8 тамызда «Миланмен» және Малайзияда 9 тамызда «Джохор Дарул Такзиммен» кездеседі.
Барлық осы матчтар Қазақстан уақыты бойынша күндіз өтеді.
Еске салайық, Сатпаевтың кәмелетке толуы 12 тамызда болады, содан кейін ғана ол командаға ресми матчтарда көмектесе алады.
Бұған дейін қазақстандық шабуылшы Дастан Сатпаев лондондық «Челсидегі» алғашқы жаттығуларынан кейін британдық БАҚ-ты өзінің физикалық дайындығымен таң қалдырған болатын. Оны ағылшын футболының жұлдызы Джек Грилишпен салыстыруда.
