Қазақстандағы орташа айлық жалақы 445 068 теңгеге жетті, бірақ нақты өсім нөлге тең
Қазақстанда орташа жалақы 445 068 теңгеге, бірақ инфляцияны ескерсек, нақты өсім нөл. Ең жоғары – тау-кен, ең төмен – ауыл шаруашылығы.
2024 жылы Қазақстанда орташа айлық жалақы 445 068 теңгені құрады. Бір жыл ішінде жалақы 11,5%-ға өскенімен, инфляцияны ескергенде нақты өсім байқалмайды, деп хабарлайды Qazaqtoday.info сайты.
Ең жоғары жалақы төленетін салалардың қатарында тау-кен өндірісі көш бастап тұр – 1 020 632 теңге. Одан кейін қаржы секторы (941 411 теңге), ақпараттық технологиялар саласы (779 288 теңге), өнеркәсіп (620 775 теңге), көлік саласы (599 489 теңге) және өңдеу өнеркәсібі (508 854 теңге) орналасқан.
Ең төмен жалақы төленетін салаларға ауыл шаруашылығы (268 096 теңге), қонақүй және мейрамхана бизнесі (284 186 теңге), сумен жабдықтау және қалдықтарды басқару (307 956 теңге) жатады.
