Қытайда дауыл салдарынан 2800 әуе рейсі тоқтатылды

Қытайдағы жойқын тайфун салдарынан 2 800 рейс тоқтатылды, деп хабарлайды Qazaqtoday.info.

Жергілікті Синьхуа ақпарат агенттігінің мәліметіне сүйенсек, Шанхайдағы Пудун және Хунцяо халықаралық әуежайынан 653 рейс ұшпайтын болды.

Сондай-ақ Ханчжоу, Чанчжоу, Цзянсу  провинциясындағы 45 әуежайда дауылға байланысты ескерту жарияланды. Әуе рейстерімен қатар, теміржол қозғалысы да тоқтатылды.

Синоптиктердің мәліметіне сүйенсек, осы аптада кей аудандарда қатты сел жүруі мүмкін. Кеше зардап шеккен өңірлерден 2 миллионнан астам адам қауіпсіз жерге көшірілді.

Дереккөз: 24.kz