Сапасыз битум: «ҚазАвтоЖол» салған асфальт ыстыққа шыдамай еріп жатыр

Фото: видеодан скрин

Өңірдегі республикалық маңызы бар тас жолдарда күннің ыстығынан асфальт еріп, көлік қозғалысына қауіп төндірді. «ҚазАвтоЖол» компаниясы жол құрылысында арзан әрі сапасыз битум қолданғандықтан, жабынды жоғары температураға шыдас бермей, майдай ағып кеткен, деп жазады Qazaqtoday.info.

Технологияның бұзылғанын айтып халық шуласа да, өңір әкімдігі мердігер мекемелерге ешқандай талап қоймай, бақылауды босатып жіберді. Бюджеттен бөлінген миллиондаған теңге тиімсіз жұмсалып, салдарынан жолдардың сапасы алғашқы жазда-ақ істен шығып отыр.

Жергілікті билік пен ұлттық компанияның бұл салғырттығы қарапайым жүргізушілердің қалтасына соққы болып, жол апаттарының көбеюіне әкелді. Енді бұл сапасыз құрылыс пен бөлінген қаржының есебін құзырлы органдар тексеруі тиіс.

Видео: Kris_p_almaty