Фото: видеодан скрин
Мемлекет басшысы Қасым-Жомарт Тоқаевтың елімізге ресми сапармен келген Черногория Президенті Яков Милатовичті Тәуелсіздік сарайында қарсы алды, деп хабарлайды Qazaqtoday.info ақпарат порталы.
Мемлекет басшысы Қасым-Жомарт Тоқаевтың елімізге ресми сапармен келген Черногория Президенті Яков Милатовичті Тәуелсіздік сарайында қарсы алу рәсімі өтті.
Тәуелсіздік сарайында Президенттер бір-біріне ресми делегация мүшелерін таныстырды.
Фото: видеодан алынған скрин
Бұдан кейін мәртебелі мейманның ресми сапарына орай сап түзеген құрмет қарауылының бастығы Мемлекет басшыларына сәлемдік баянат берді. Президент оркестрі екі елдің мемлекеттік Әнұранын орындады.
Фото: видеодан алынған скрин
Әнұрандарды тыңдап болғаннан кейін Қасым-Жомарт Тоқаев пен Черногория Президенті кілемше бойымен Қазақстан Республикасының Мемлекеттік Туына қарай жүрді. Оның алдына келгенде мейман тоқтап, басын сәл иіп, өзінің құрметін білдірді.
Фото: видеодан алынған скрин
Ресми қарсы алу рәсімінен кейін Мемлекет басшыларының қатысуымен шағын құрамдағы келіссөз басталды. 19 маусымда тараптар жоғары деңгейде келіссөздер жүргізіп, саяси диалогты нығайту, сондай-ақ сауда-экономикалық, инвестициялық және мәдени-гуманитарлық ынтымақтастық перспективасын талқылайды.
Еске салсақ, бұған дейін Черногория Қазақстан азаматтары үшін уақытша визасыз режжим енгізді.
