Атыраудың адам шошырлық жолдары: «ҚазАвтоЖол» халықтың жүйкесін жұқартып бітті
Атыраудың сорына айналған тас жолдар тағы да әлеуметтік желіні шарпып, жұрттың ызасын туғызды, деп жазады Qazaqtoday.info.
Шұңқырға түскен көліктің темір дискісі майысып, дөңгелегі жарылуға шақ қалғаны анық көрінеді. Миллиардтап қаржы бөлінсе де, облыстағы республикалық жолдардың сиқы — ат шаптырым ойықтар мен жүргізушілердің тозған жүйкесі.
Әбден қажыған халық әлеуметтік желіде «ҚазАвтоЖолдың» басшылығын аяусыз сынап, тіпті зақымдалған әр көлік үшін полиция шақырып, сотқа беруге шақыруда. Салықты уақытылы жинап алып, ал алтыннан қымбат жол сапасын қадағалай алмайтын бұл мекеменің жауапсыздығы шектен шықты. Құзырлы органдар бұл бассыздыққа шұғыл араласып, халықтың шығынын өтетпесе, бұқараның наразылығы бұдан да өрши түспек.
