Қазақстан соңғы үш жылда «Болашақ» арқылы 994 адамды шетелге жіберген
Фотоколлаж: Azattyq ruhy/Әбілқасым Есентаев
Соңғы үш жылда «Болашақ» бағдарламасы арқылы 994 стипендиат шетелдің үздік оқу орындарында білім алған, деп хабарлайды Qazaqtoday.info.
Бұл туралы үкіметтің баспасөз қызметі есеп беріп отыр.
«Соңғы үш жылда әлемнің жетекші университеттерінде 994 стипендиат білім алды. Экономика үшін сұранысқа ие бағыттар, оның ішінде ақпараттық технологиялар, инженерлік мамандықтар, машина жасау, медицина, қаржы және құқық салалары бойынша мамандар оқыды», — деп хабарлайды үкімет.
Бұдан өзге, 342 адам шетелдік жетекші ұйымдарда кәсіби тағылымдамадан өтті.
Айта кетейік, биылдан бастап халықаралық олимпиадалардың, ғылыми конкурстардың және шығармашылық жарыстардың жеңімпаздары үшін бакалавриат бағыты ашылып отыр.
