Шашубайдағы жануарлар зираты: қоғам неге екіге жарылды?

Қарағанды облысының Шашубай кентінде үй жануарларына арналған зират пайда болып, қоғамдық пікірталас тудырды. Желіде тараған видеода ит пен мысыққа арналып, мәрмәр тастан құлыптас орнатылып, аты-жөні жазылып, суреті салынғаны, тіпті айналасы темір шарбақпен қоршалғаны көрінеді, деп хабарлайды Qazaqtoday.info сайты.

Бұл оқиға әлеуметтік желі қолданушыларының пікірін екіге жарды. Кейбір азаматтар мұны жануарларға деген қамқорлықтың ерекше көрінісі деп бағаласа, көпшілігі бұл әрекетті ысырапшылдыққа балап, ұлттық дәстүр мен діни ұғымдарға қайшы келеді деп санайды. Әсіресе, құлыптастағы «Иманды болсын» деген жазу көпшіліктің наразылығын туғызып, қызу талқыға арқау болды.