Фото: Видеодан скрин
Астанада 34 жастағы ер адам әйелін кішкентай баласының көзінше ұрып-соққан. Бұл туралы QazaqToday.info ақпараттық порталы хабарлайды.
Оқиға «Саржайлау» тұрғын үй кешені маңында болған. Куәгерлер ер адамның әрекетін дер кезінде видеоға түсіріп үлгерген.
Астана қаласы полиция департаментінің мәліметінше, қазір бұл оқиғаға отбасылық-тұрмыстық жанжал дерегі бойынша қылмыстық іс қозғалған.
«Полиция қызметкерлері құқық бұзушыны ұстап, бөлімшеге жеткізді. Анықталғандай, елордадағы тұрғын үйлердің бірінің маңында 34 жастағы ер адам жұбайына күш қолданған. Қазіргі уақытта ол уақытша ұстау изоляторына қамалды. Оған жәбірленушімен байланысуға шектеу қоятын қорғау нұсқамасы шығарылды», – деп хабарлады полиция.
