«Миллион берем»: камзолмен елді шулатқан Баян Алагөзова қыз-келіншектерге ақша таратпақ (ВИДЕО)
Фото: bayanmaxatkyzy парақшасы
Продюсер Баян Алагөзова әлеуметтік желідегі парақшасында тұрмыстық зорлық-зомбылық тақырыбына арналған шығармашылық байқау жариялағанын мәлімдеді. Ол қатысушыларды арнайы әнге ерекше би қойып, байқауға қатысуға шақырды, деп хабарлайды QazaqToday.info ақпараттық порталы.
«Мен зорлық-зомбылыққа қарсымын» атты байқауымды өздеріңіздің ерекше билеріңізбен қолдаңыздар. Осы әнге би түсіріп, менің парақшамды белгілеңіздер. Жеңімпазға 1 000 000 теңге сыйлық беріледі», – деді продюсер.
Сондай-ақ ол байқаудың мерзімі тағы бір аптаға ұзартылғанын айтып, үздік қатысушыларға қосымша мүмкіндік барын жеткізді.
«Байқау тағы бір аптаға созылады! Егер өте керемет жұмыс болса, KeshYou тобымен 20 жылдық концертте бірге өнер көрсету мүмкіндігі бар», – деп жазды Баян Мақсатқызы.
