Тараз түтінге тұншығып тұр ма: “норма” деген есепке халық сенбейді

Тараз тұрғындары тағы да «Қазфосфат» зауытынан шыққан түтінге шағымданды.

Әлеуметтік желіде тараған видеода көпқабатты үйлердің үстінен көтерілген қою түтін анық көрінеді.

Қала тұрғындары кей күндері ауада күкірттің иісі сезілетінін айтып отыр.

Олар тәуелсіз тексеріс жүргізуді талап етуде.

Ал экологтар соңғы өлшемдерде нормадан асу тіркелмегенін мәлімдеді.

«Қазгидромет» те ауа сапасы қалыпты деген қорытынды берген.

Бірақ бұған дейін кәсіпорында заңбұзушылық анықталып, айыппұл салынғаны белгілі.

Қазір билік зауытпен қосымша шектеу шараларын келісіп жатқанын айтады.

Соған қарамастан, тұрғындардың күдігі сейілер емес.

Видео: @taraz_life | дерек: tengrinews.kz