Краннан таза су емес, тот ағып жатыр: Көкшетау халқы дабыл қақты

“Жайлау” шағынауданының тұрғындары ауызсудың сапасына жаппай шағым айтып жатыр.

Айтуларынша, краннан аққан су кей күндері қоңыр түске айналып, тұрмыста қолдануға жарамсыз болып қалады.

Тіпті кір жуғанда ақ киімнің өзі қоңырланып шыққан жағдайлар тіркелген.

Мәселе бір реттік емес, тұрғындардың сөзінше, бұл жағдай жиі қайталанады.

Су сапасының төмендігі тек тұрмыстық қолайсыздық емес, денсаулыққа да қауіп төндіруі мүмкін.

Алайда жауапты мекемелер тарапынан нақты түсініктеме берілмеген.

Тұрғындар су жеткізуші компаниядан ашық жауап пен нақты шешім талап етіп отыр.

Сапасыз су үшін төлем жасап отырған халық наразылығын жасырмайды.

Әкімдік бұл мәселеге қаншалықты бақылау жасап отырғаны да сұрақ күйінде қалып отыр.

Видео: sinegor.kz