Жетісу облысындағы Алматы – Өскемен тасжолында бірнеше көлік соқтығысып, ірі жол апаты болды. Салдарынан бір адамды көліктің ішінде қысып қалды, деп хабарлайды Qazaqtoday ақпарат агенттігі.
ҚР Төтенше жағдайлар министрлігінің мәліметінше, оқиға Көксу ауданындағы Алғабас ауылының маңында болған. Мұнда бір жүк көлігі мен үш жеңіл көлік соқтығысқан.
Апат салдарынан екі адам зардап шеккен. Олардың бірі көлік ішінде қысылып қалғандықтан, оны шығару үшін құтқарушылардың көмегі қажет болды.
Оқиға орнына жеткен ТЖМ мамандары зардап шеккен азаматты арнайы құралдардың көмегімен мыжылған көліктен шығарып алып, жедел жәрдем бригадасына тапсырды.
Фото: Әлеуметтік желіден
