СІМ Оман арқылы 467 қазақстандық қайтарылатынын айтты
Фото: видеодан скрин
Таяу Шығыстағы ахуалға байланысты шетелде қалған 467 Қазақстан азаматын елге қайтару жоспарланып отыр. Бұл туралы Үкімет отырысынан кейін өткен брифингте Сыртқы істер министрінің орынбасары Әлібек Бақаев мәлімдеді.
Оның айтуынша, азаматтар Оман Сұлтанаты арқылы кезең-кезеңімен эвакуацияланады. Алғашқы автобус колоннасы жолға шығып үлгерген. Күн соңына дейін 467 қазақстандықты Қазақстанға жеткізу көзделген.
Министрлік өкілі эвакуация жұмыстары шұғыл тәртіпте ұйымдастырылып жатқанын атап өтті. Ресми органдар шетелдегі азаматтарды дипломатиялық өкілдіктермен тұрақты байланыста болуға шақырды.
