«Миыңыз сөніп қалады»: Ғалымдар ұйқысы қанбаған адамдарға ескерту жасады
Ғалымдар ұйқы қанбаудың қауіпті салдарын анықтады. Бұл кезде мидағы сұйықтық айналымы бұзылып, ми жұмысы уақытша тоқтап қалады екен.
Ғалымдардың жаңа зерттеуі ұйқы қанбаудың қауіпті салдарын анықтады: бұл кезде адамның миы уақытша «сөніп» қалады екен, деп хабарлайды Qazaqtoday ақпарат агенттігі.
Зерттеуге сәйкес, дұрыс ұйықтамаған кезде мидағы қан мен жұлын сұйықтығының айналымы бұзылады. Нәтижесінде адам ояу отырса да, ми толқындары терең ұйқыдағыдай күйге енеді.
Дәл осы сәттерде адамның зейіні күрт төмендеп, маңызды ақпаратты өткізіп алатыны байқалған. Бұл – мидың жұмысын уақытша тоқтатқанының белгісі.
Сонымен қатар, көз қарашығының тарылуы да мидың қатты шаршап, демалыс қажет екенін білдіретін маңызды сигнал болып саналады.
Демек, жұмыста жіберген қателіктер немесе спорттағы сәтсіздіктер жай ғана шаршаудың салдары емес. Бұл – мида болып жатқан нақты физиологиялық процесс. Сондықтан толыққанды ұйқының денсаулық үшін маңызы өте зор.
