Қаза тапқандар бар: Маңғыстау облысында 50 жолаушысы бар автобус аударылып кеткен
Қазақстанның Көлік министрлігінің хабарлауынша, оқиға шамамен түнгі сағат 01:03-те Доссор – Ақтау автожолында болған. Автобус жолдан шығып, аударылып кеткен, деп хабарлайды Qazaq Today ақпарат порталы.
Жол апаты салдарынан төрт адам қаза тауып, тағы үш жолаушы түрлі жарақат алған.
Алдын ала мәлімет бойынша, Ақтаудан Бейнеу бағытына бет алған автобус жүргізушісі рөлге ие бола алмай қалған.
Аталған дерек бойынша Маңғыстау облысының полиция департаменті тергеу амалдарын жүргізіп жатыр.
