Иран әуе кеңістігі жабылды: Air Astana жолаушыларға маңызды ескерту жасады

Air Astana әуе компаниясы Иранның әуе кеңістігін жабуына байланысты бірнеше бағыттағы рейстердің маршрутын өзгерткенін мәлімдеді, деп хабарлайды Qazaqtoday ақпарат агенттігі.

Компанияның хабарлауынша, бұл өзгеріс тұрақты және чартерлік рейстерге қатысты болады. Атап айтқанда, Шарм-эль-Шейх, Дубай, Доха және Мединаға қатынайтын ұшақтар енді Иран аумағын айналып өтеді.

«Осыған байланысты кестеде өзгерістер болуы ықтимал. Жолаушылардан өз рейстерінің статусын мұқият тексеріп отыруды сұраймыз», — делінген компания хабарламасында.

Фото: Әлеуметтік желіден