2 қаңтарда Қазақстанда көктайғақ пен тұман күтіледі: барлық өңірде ескерту жарияланды

Фото: pexels.com

2 қаңтар күні Қазақстанның барлық өңірінде ауа райына байланысты дауылды ескерту жарияланды. «Қазгидромет» мәліметінше, тұман, көктайғақ және боран бірқатар аймақтарда ауа райын қиындатпақ.

Бұл туралы Qazaqtoday ақпарат агенттігі хабарлайды.

Синоптиктердің айтуынша, тұман мен мұзтайғақ Астана, Алматы, Ақтөбе, Атырау, Қостанай, Павлодар, Қарағанды, Өскемен, Семей, Тараз, Талдықорған, Қызылорда, Орал және Ақтау қалаларында байқалады.

Ал Ақтөбе, Солтүстік Қазақстан, Ақмола, Қостанай, Маңғыстау және Атырау облыстарында желдің екпіні 15–20 м/с-қа дейін күшейіп, кей жерлерде боран соғуы мүмкін.

Ауа райы қалай болады: өңірлерге болжам

Астанада күндіз –7–9 °C, аздаған қар, бұрқасын, көктайғақ. Түнде –8–10 °C, кейде қар жаууы ықтимал. Жел — 2–7 м/с.

Алматыда күндіз +2+4 °C, тұман түсіп, жолдарда көктайғақ. Түнде –1–3 °C. Желдің жылдамдығы — 3–8 м/с.

Шымкентте күндіз +7+9 °C, ал түнде 0…+2 °C шамасында сақталады. Жел — 5–10 м/с.

Көктайғақта жолда қалай сақтанған жөн?

Мамандар жүргізушілер мен жаяу жүргіншілерге жолда барынша мұқият болуға кеңес береді. Автокөлікпен жүргенде қашықтықты сақтап, көктайғақта күрт тежелуден аулақ болған жөн.

Ал жаяу жүргіншілер жазық аяқ киім киіп, аяқтарын кең ашып жүру арқылы тайып кетпеудің алдын ала алады.