«Kinder» өнімінде қауіпті заттар бар ма? – ДСМ түсініктеме берді
Фото: ru.wikipedia.org
Әлеуметтік желілерде «Kinder» өнімінде қауіпті заттар бар деген ақпарат таралуда, деп жазады Qazaq Today ақпарат порталы.
«Бұл мәліметтердің ескірген және 2016 жылға қатысты екендігін хабарлаймыз.
Аталған мәселе бойынша ЕАЭО-ның құзыретті органдары өз уақытында тексеру жүргізген, нәтижесінде қандай да бір заңбұзушылық фактілері расталмаған», — деп жазылған Қазақстан Республикасының Денсаулық сақтау министрлігінің Санитариялық-эпидемиологиялық бақылау комитеті хабарламасында.
Қазіргі уақытта бұл өнімге қатысты халықтан шағымдар мен өтініштер тіркелген жоқ.
Тек ресми және тексерілген ақпарат көздеріне ғана сенулеріңізді сұраймыз.
