Зәулім коттедж қоқысқа айналды: Алматыда заңсыз салынған сәнді үй сүріліп жатыр

Фото: Алматы әкімдігі

Алматыда заң талаптарын ескермей зәулім ғимарат салған тұрғынның қаражаты да, еңбегі де далаға кетті, деп хабарлайды Qazaq.today порталы.

Сот шешіміне сәйкес Таугүл-3 шағынауданы Бекет Ата көшесі, 46 мекенжайында орналасқан екі қабатты ғимаратты бұзу басталды. Бұл туралы Алматы қаласының қала құрылысын бақылау басқармасының өкілдері айтты.

Нысанның иесі (жеке тұлға) құрылысты рұқсатсыз жүргiзген. Басқарма тарапынан әкімшілік шаралар қолданылып, заң бұзушылықты жою туралы нұсқама берілді.

Аталған іс нысанды сүру туралы шешім қабылдау үшін сотқа жолданған болатын. 2025 жылы 20 қарашада Әуезов аудандық сотының шешімімен Қала құрылысын бақылау басқармасының талаптары қанағаттандырылды.

Сот шешімін орындау мақсатында нысанды меншік иесі өзі бұза бастады.