«Тротуарсыз қала»: Степногорск тұрғындары әкімдік жұмысына наразы — ағаштар да заңсыз кесілген

Фото: видеодан скрин

Степногорск тұрғындары қалада болып жатқан заңсыз ағаш кесу фактілеріне наразылық білдіруде, деп хабарлайды Qazaq Today ақпарат порталы. 

Олардың айтуынша, бірнеше көшеде көпжылдық ағаштар ешқандай рұқсатсыз оталып, орнына жаңа көшеттер отырғызылмаған. Тұрғындар бұл мәселе жөнінде әкімдікке бірнеше рет шағымданғанымен, нәтиже болмағанын айтады. Бұған қоса, қала көшелерінде тротуардың болмауы тұрғындардың ашуын тудырған. Күн сайын жол жиегімен жүруге мәжбүр адамдар қауіпсіздік пен инфрақұрылым мәселесін көтеріп отыр. Әкімдік өкілдері жағдайдан хабардар екенін мәлімдегенмен, нақты шешімдер қабылданбаған. Қала халқы биліктен жауапкершілік пен ашықтық талап етуде.