Атырауда 700 метр жол 4 айдан бері бітпей тұр — тұрғындар шу шығарды
Фото: видеодан скрин
Атырау қаласында Еркінқала мен Балауса ықшамаудандары арасындағы жол құрылысы тоқтап, халықтың ашуын тудырды. 700 метр жерге асфальт төселмей, көліктер ішкі көшелермен жүруге мәжбүр, деп хабарлайды Qazaq Today ақпарат порталы.
Тұрғындардың айтуынша, осының кесірінен автобустар тар көшелермен әрең өтеді, жол апаты көбейген, балаларға қауіп төнген.
«Қашан бітіреді? Балаларымыздың өмірі қауіпте», – дейді наразы тұрғындар.
Жергілікті билік жобада өзгерістер болғанын айтып ақталғанымен, нақты мерзімді ашып айтқан жоқ. Халық болса, “жолға кеткен қаржы қайда?” деп сұрап отыр
