Түркістанда 1 жасар бала ауладағы әжетханаға құлап кетті
Фото: Pixabay
Түркістан қаласы Талас көшесіндегі жеке тұрғын үйлердің бірінде 1 жасар бала ауладағы әжетханаға құлап кетті, деп хабарлайды Qazaq.today ақпарат порталы.
Бүлдіршіннің дәретхана шұңқырына қалай түсіп кеткені белгісіз. Абырой болғанда, құтқарушылар дер кезінде келіп, баланы аман алып шықты.
Оқиға болған сәтте бүлдіршіннің ата-анасы үйде болған.
«Құтқарушылар арнайы жабдықтар мен құралдардың көмегімен бір жасар баланы дала дәлізінен алып шығып, жедел жәрдем қызметкерлеріне тапсырды», – делінген Түркістан облыстық ТЖД хабарламасында.
