Қоштасу концертін берген: Атақты әнші ажал құшты

Аты аңызға айналған британиялық әнші және рок-музыкант, Black Sabbath тобының негізін қалаушылардың бірі әрі мүшесі Оззи Осборн қайтыс болды. Sky News арнасының ақпаратынша, әнші 76 жасында көз жұмған, деп хабарлайды Qazaq.today.

Оның әйелі Шарон Осборн ақпан айында күйеуінің прогрессивті Паркинсон ауруына байланысты енді жүре алмайтынын, бірақ оның дауысы бұрынғыдай жақсы екенін айтты.

— Оззи Осборн Black Sabbath тобының әріптестерімен қайта қосылып, жанкүйерлері үшін үлкен қоштасу концертін өткізгеннен кейін бірнеше аптадан кейін қайтыс болды, — деп хабарлайды арна.

Black Sabbath 1968 жылы Бирмингемде құрылды. Олар бүкіл әлем бойынша 75 миллионнан астам альбом сатқан ең табысты топтардың біріне айналды.