«Адамға емес, сезімге ғашық болыңыз»: Ерке Есмахан ер мен әйел қатынасы туралы айтты

Фото: @erke_esmahan

Танымал әнші Ерке Есмахан өзінің инстаграм парақшасында оқырмандарымен әңгіме-дүкен құрып, олардың сұрақтарына жауап берді, деп хабарлайды Qazaq Today ақпарат порталы.

Оқырмандарының бірі «сізді психологтар күйеуін алдауды біледі деп жатыр ғой» деп жазған. Әнші бұл пікірге қатысты ел күтпеген жауабын айтты.

«Қателеседі олар. Ешкімді алдамаймын. Психологтарға да айтарым. Әйелдерге одан да мынаны үйретіңіздер. Еркектің өзін емес, сол еркекке деген махаббатты жақсы көрген дұрыс. Еркекті жақсы көрем деп таусыласыз, ал оған деген махаббатты жақсы көрсеңіз, өз ішіңіз сезімге толады, айналаңыз гүлденеді, жүщіңіз нұрланады, арадағы махаббат ұлғаяды. Адамға емес, сезімге ғашық болыңыз, сол кезде еркек сізге ғашық болады.Любите любовь! Мен жаңалық, инста, тикток, коуч, курс, коммент, разбор, рилс, косметолог, гинеколог, нумеролог, жәй отырып өсек айтулог бәріңізге жетемін. Таласпаңыздар. Өзім-ай өзім. Любите любовь, состояние, волшебство, араңыздағы химияны. Оның қасындағы өз күйіңізді жақсы көріңіз, ал ол сізді жақсы көрсін. Ар жағын психологтар түсіндірер», — деп жазды ол.

Сондай өнер иесі әзірге қыздарға арналған курс жасағысы келмейтінін де ашық айтты.

«Қыздар, курс ашар ем но не хочу. Еріншекпін қатты», — деді әнші.