Аты аңызға айналған бапкер Карло Анчелотти Испанияда сотталып кетті
Фото: Instagram/mrancelotti
Танымал италиялық футбол бапкері Карло Анчелотти Испанияның салық органдарына төлем жасамағаны үшін Мадрид провинциялық сотына келіп жауап берді. Айыптау оның «Реал Мадридтегі» 2013-2015 жылдар аралығындағы алғашқы қызмет кезеңіне қатысты, деп хабарлайды Qazaq.today.
Сот процесі басталар алдында Анчелотти жұбайы Марианн Баррена, ұлы және «Реал Мадридтің» көмекші бапкері Давиде Анчелоттимен бірге сот ғимаратына келді. Бапкер қысқа мәлімдеме жасап, өзінің кінәсіздігін мәлімдеді:
«Мен келісімге келуге емес, айыптауларға жауап беруге және ақиқатты айтуға келдім», – деді ол.
Испания прокурорларының мәліметі бойынша, Анчелотти мынандай мөлшерде салық төлемеген:
- 2014 жылы – 386 361 еуро;
- 2015 жылы – 675 718 еуро.
Жалпы сомасы 1 062 079 еуро көлемінде салық төлемеген. Айыптаушы тарап Анчелоттиге қатысты 4 жыл 9 айға бас бостандығынан айыруды, 3 186 237 еуро көлеміндегі айыппұлды, оның ішінде өсім мен мүлік тәркілеу арқылы өндіріп алуды талап етіп отыр.
Карло Анчелотти өзіне тағылған айыптарды жоққа шығарып, кінәсіздігін қорғап келеді.
Айта кетейік, Испанияда бұған дейін Жозе Моуринью, Криштиану Роналду, Лионель Месси, Арда Тұран секілді футбол әлемінің танымал жұлдыздары да салықтан жалтарғаны үшін сот алдында жауап берген, бірақ олар кейін салық органдарымен келісімге келіп, айыппұл төлеу арқылы мәселені реттеген.
Ақпарат көзі: azattyq-ruhy
