Маңғыстау облысында 10 жастағы қызды автобус басып өлтірді
Фото: pixabay
Маңғыстау облысы Мұнайлы ауданында қоғамдық көлік жаяу жүргіншілер өткелінде 10 жастағы баланы қағып мерт қылды, деп хабарлайды Qazaq.today ақпарат порталы.
Аталған оқиға бойынша қылмыстық іс қозғалып, автобус жүргізушісі уақытша ұстау изоляторына қамалған.
«Қоғамдық көлік жүргізушісі жол қозғалысы ережелерін сақтамай, реттелмейтін жаяу жүргіншілер өткелінен өтіп бара жатқан жасөспірімді қағып кеткен. Жол-көлік оқиғасы салдарынан дене жарақатын алған қыз оқиға орнында қаза тапты. Жүргізушіге қатысты ҚР Қылмыстық кодексінің 345-бабының 3-бөлігі бойынша тергеу басталды. Қоғамдық көлік айыптұраққа қойылды», — дейді жергілікті ПД.
