Дариға Назарбаеваға қатысы бар қонақүй иелерінен 1,3 млрд теңге өндірілді
Бас прокуратура активтерді мемлекет пайдасына қайтару жұмыстарының қорытындысын жариялады.
Хабарланғандай, Жоғарғы Сот олигополия субъектілерінің пайдасына бұрын негізсіз шығарылған шешімдерге бас прокурордың 24 наразылығын қанағаттандырды.
Ал, Дариға Назарбаеваға қатысы бар Астанадағы «Думан» қонақүйінің иелерінен 1,3 миллиард теңге өндірілді.
«Мәселен, Алматы ауыр машина жасау зауытының 31 пайыз акциясын жекешелендіруді заңсыз деп тану туралы сот шешімі шығарылды. Тағы бір жағдайда, Жоғарғы соттың шешімі елордадағы «Думан» қонақ үй кешенінің иелерінен 1,3 миллиард теңге өндіріп алуға мүмкіндік берді, делінген хабарламада.
Сонымен қатар, соттар заңсыз сатылған мемлекеттік мүлікті: өндіріс орындарын, базарларды, коммерциялық үй-жайларды, элиталық учаскелерді және т.б. қайтару туралы ондаған талап арыздарды қанағаттандырды.
Айта кетейік, бұған дейін Қазақстанға 760 миллиард теңгенің мүлкі қайтарылғаны хабарланған болатын.
