Ұлттық ойын кезінде шабандоздар екі автокөлік зақымдап, жылқыны таптап кете жаздады (ВИДЕО))

Фото: Видеодан алынған кадр

Қырғызстанның Ноқат ауданында көкпар ойыны кезінде салт аттылар екі автокөлікті зақымдап, жылқыны таптап кете жаздады. Көкпаршылардың тартысты ойынының видеосы әлеуметтік желілерде тарады. Бұл туралы Stan.kz ақпарат агенттігі Vesti.kg хабарлайды.

Желіде тараған видеодан көкпаршылардың бір жерде кептеліп, тартысты ойын өткізіп жатқанын көруге болады.

Ош облыстық ішкі істер басқармасы бұл ақпаратты растады. Оқиға 6 сәуір күні Ноқат ауданына қарасты Жаны-Ноқат ауылында болған. Көкпарға қатысушылар ойын алаңынан шығып кетіп, сол жерде тұрған екі көлікті зақымдаған. Сондай-ақ бір атты таптап кете жаздаған.

“Аталған жағдай ішкі істер бөлімінде тіркелді. Алайда автокөлік иелері милицияға арыз жазудан бас тартты”, – делінген хабарламада. Абырой болғанда, оқыс жағдай кезінде ешкім зардап шеккен жоқ.