Алматыда синтетикалық есірткі сатумен айналысқан жас жұбайлар ұсталды

Алматыда синтетикалық есірткі сатты деген күдікке ілінген ерлі-зайыптылар ұсталды. Жас жұбайлардың үйінен де есірткі табылған, деп хабарлайды Qazaq.today агенттігі Polisia.kz-ке сілтеме жасап.

Алматы қалалық ПД есірткі қылмысына қарсы күрес басқармасының қызметкерлері жедел іс-шаралардың нәтижесінде екі күдікті – ерлі-зайыптыларды ұстады, олар есірткіні заңсыз таратумен айналысқан. Есірткі Нұршашқан шағын ауданында тәркіленді. Кейін тұрғын үйді тінту кезінде ұсталған адамдардан синтетикалық есірткі, орау материалдары, электронды таразылар мен криптоқұрылғылар табылды.

— Өкінішке қарай, бүгінде жастар, соның ішінде ерлі-зайыптылар есірткі таратуға көбірек тартылуда. Олар жасырын интернет-арналар арқылы ұйымдастырылған көлеңкелі нарықтың бір бөлігіне айналуда. Біз мұндай тізбектерді тоқтатуға және барлық қатысушыларды жауапкершілікке тартуға бар күш-жігерімізді салып жатырмыз, — деді Алматы қалалық ПД есірткі қылмысына қарсы күрес басқармасының бастығы Мұрат Жұмабаев.

Спикердің айтуынша, аталған дерек бойынша ҚР ҚК-нің 297-бабы 2-бөлігіне сәйкес қылмыстық іс қозғалды. Күдіктілер уақытша ұстау изоляторына қамалды. Сотқа дейінгі тергеу жалғасуда.

Фото: Polisia.kz