Зұлымдықтың зоры: 15 жерден пышақталып, қаза тапқан Жасұлан Әбдіманаптің соңғы видеосы жарияланды (ВИДЕО)

Фото: видеодан кадр

15 жерінен пышақталып, ауыр жағдайда қаскөйдің қолынан өлім құшқан Жасұлан Әбдіманаптің анасына жіберген соңғы видеосы желіде тарады, деп хабарлайды Qazaq.today.

Видеода Жасұлан Мақпал Жүнісованың «Өзімді алдаймын» әнін орындап, оны анасына жіберген екен.

«Аязды күнде айналған, бұлтты күнде толғанған ананың бұдан асқан қайғысы, өкініші жоқ шығар.

Қайғыдан қан жұтқан ана ұлының өліміне кінәлілерді жазалау үшін, халықтың алдына шығып, әділдік талап етуге мәжбүр. Себебі бізде бәрі құбылмалы…», – деп жазады журналист өзінің Instagram-дағы парақшасында.

Еске салайық, ауыр дертті жеңген жасөспірімге Сарыағашта қаскөйлер кредит алғызып, соңында пышақтап өлтірген еді.