Жамбыл облысында ер адам есірткіні балалар жүрген бақшаға барып өртеген (ВИДЕО)
Жамбыл облысында ер адам есірткіні балалар жүрген бақшаға барып өртегені анықталды, деп хабарлайды Qazaq.today ақпарат порталы.
Шу қаласының 41 жастағы тұрғынына қатысты қылмыстық іс қозғалды. Ер адамның үйін және іргелес аумақтарды тінту кезінде есірткі қойылған бірнеше жасырын орын анықталды.
Сараптама нәтижелеріне сәйкес, табылған заттар салмағы 2 келіден асатын гашиш және 23 грамнан астам кептірілген марихуана болып шықты.
«Күдікті есірткіні әйелі мен кәмелетке толмаған үш баласы бола тұра бірге тұратын үйлерінде сақтаған. Есірткіні өңдегеннен кейін қалған қалдықтарын жақын жерде кішкентай балалар ойнап жүргеніне қарамастан, бақшасында өртеп жіберген.
Қазіргі уақытта тергеу әрекеттері жүргізілуде. Күдікті уақытша ұстау изоляторына қамалды. Есірткіні аса ірі мөлшерде сақтағаны үшін 7 жылға дейін бас бостандығынан айырылу қаупі төніп тұр», — делінген облыстық ПД хабарламасында.
Фотоколлаж: Azattyq Rýhy/Әбілқасым Есентаев
Посмотреть эту публикацию в Instagram
