Туриндегі Универсиада: қазақстандық хоккейшілер алғашқы жеңісіне жетті

XXXII Қысқы Универсиадада Туринде қазақстандық ерлер хоккей құрамасы алғашқы кездесуін Швецияға қарсы өткізіп, сенімді жеңіске жетті. Ойын 9:2 есебімен аяқталды.

Ойын барысы

Қазақстан хоккей федерациясының мәліметінше, алғашқы кезеңде шведтер есеп ашып, екі шайба салған. Дегенмен, қазақстандықтар алғашқы 20 минуттың ішінде есепті теңестіре алды.

Екінші кезеңде Қазақстан құрамасы екі гол басымдықпен алға шықты. Николай Шульга шайба салып, артынша Даниил Цыбин дубль жасады.

Үшінші кезеңде қазақстандықтар қарсылас командаға мүлде мүмкіндік бермей, шешуші голдар соқты. Максим Мусоров, Адиль Бейсембаев, Денис Чапоров және Андрей Буяльский шеберліктерін көрсетті.

Алдағы матчтар

14 қаңтарда қазақстандық хоккейшілер Оңтүстік Корея құрамасымен кездеседі.

Ерлер құрамасы «А» тобында Корея, Канада және Чехия командаларымен ойнайды:

• 14 қаңтар, 20:30 — Қазақстан vs Корея;
• 16 қаңтар, 00:00 — Канада vs Қазақстан;
• 17 қаңтар, 00:00 — Қазақстан vs Чехия.

Әйелдер құрамасы «В» тобында Жапонияға қарсы алғашқы матчта 10:0 есебімен жеңіліске ұшырады. Енді олар АҚШ және Чехия командаларымен бақ сынасады:

• 14 қаңтар, 20:30 — Чехия vs Қазақстан;
• 16 қаңтар, 20:30 — Қазақстан vs АҚШ.

Хоккей турнирі

Хоккей ойындары 11-22 қаңтар аралығында Турин маңындағы екі алаңда өтуде.