Моңғолияда қарлы боран туралы ескерту жасалды
Фото: parstoday.ir
Моңғолияның Метеорология және қоршаған ортаны бақылау институты сейсенбі күні қарлы боран туралы ескерту жариялады, деп хабарлайды Qazaq Today ақпарат агенттігі.
Синоптиктердің болжамынша, 8 қазанға қараған түннен бастап батыс, орталық және Гоби аймақтарында, 9 қазанда елдің шығыс облыстарында қарлы боран соғып, кейіннен Моңғолия аумағының басым бөлігінде қар жауады.
Желдің жылдамдығы 14-16 м/с дейін күшейеді деп болжанып отыр.
Метеорология және қоршаған ортаны бақылау институты қарлы боранға және ауылдық жерлерде жолдың көрінбеуіне Ұлан-Батор тұрғындарын аймақтарға сапарға шықпауға, ал моңғол көшпелі малшыларын жайылымдық жерлерде мал бағуда қырағы және сақ болуға шақырды.
