Ресейдің Волгоград қаласында дәрігерлер 27 мың вольт тоқ соққан жігітті аман алып қалған
Волгоград облысы Денсаулық сақтау министрлігі баспасөз қызметінің хабарлауынша, күйік орталығындағы дәрігерлер мен медбикелер оның өмірі үшін бірнеше ай бойы күрескен. Қайғылы оқиға 2024 жылдың шілде айының басында болған.
Саратов облысының қырық жастағы тұрғыны Волгоградтағы құрылыс алаңында ауыр жарақат алды: металл конструкцияларын түсіру кезінде ер адамды тоқ соқты.
— Жүк көліктері келді, баспалдақ марштарын шешіп, сымарқандарды беру керек болды. Мен сымарқанды алып едім, ол кернеулі болған екен. Қатты тоқ соғып, жерге құладым», – деді науқас.
Емдеуші дәрігер күйік хирургы Игорь Гуриновтың айтуынша, науқас шамамен 27 мың вольт тоқ соққаннан кейін электр жарақатымен өте ауыр жағдайға түсті.
«Тоқ басынан ішкі мүшелеріне өтіп, аяғынан бір-ақ шыққан. Мұндай жарақат алған адам көп жағдайда тірі қалмайтын еді. Тексеру қорытындысы, соның ішінде КТ бойынша, ішкі ағзалары – жүрек, бүйрек, өкпе, бауырына зақым келіп, екі аяғын қатты күйік шалған. Комбустиологиялық, реанимациялық бригадаларының керемет күш-жігерінің арқасында науқастың жанын сақтап қалдық, бірақ бастапқыда оны құтқара алмаймыз деп ойладық. Алайда, біз мойыған жоқпыз, науқастың өмірі үшін күрес жалғасты», — деп баяндады комбустиология (күйік) бөлімінің меңгерушісі Валерий Татарчевский.
Науқас бөлімшеде 40 тәулік жатты. Осы уақыт ішінде оған бірнеше күрделі ота жасалды. Оның ішінде пластикалық және реконструктивтік оталар бар. Шілде айының соңына қарай дәрігерлер негізгі қажетті шараларды аяқтап, науқас қалпына келе бастады. Қазір оның өміріне қауіп төніп тұрған жоқ. Ол үйіне шығарылды.
