Алматы облысында жасөспірімдер ер адамды аяусыз соққыға жыққан
Әлеуметтік желіде қатты соққыға жығылған ер адамның суреті тарап жатыр. Оны сондай күйге үш жасөспірім жеткізгені хабарланды. Олардың жеке басы анықталды, деп хабарлайды Qazaq.today Ulysmedia.kz-ке сілтеме жасап.
Таратылған кадрлар ер адамның танымастай етіп ұрып-соққанын көрсетеді. Алматы облысының прокуратурасы бұған дейін 50 жастағы ер адамды соққыға жыққан үш кәмелетке толмағанның ұсталғанын хабарлады.
Жәбірленуші жансақтау бөлімінде жатыр.
ҚР Қылмыстық кодексінің 106-бабының екінші бөлігі (Денсаулыққа қасақана ауыр зиян келтіру) бойынша тергеу амалдары жүргізілуде. Егер күдіктілер кінәлі деп танылса, 6 жылдан 10 жылға дейін бас бостандығынан айырылуы мүмкін.
Qazaq.today
