Алматы тұрғыны автобус аялдамасының тас-талқанын шығарды
Алматыда ер адам автобус аялдамасын қиратты, — деп хабарлайды Qazaq Today ақпарат агенттігі Massaget.kz сайтына сілтеме жасап.
Бұл видео әлеуметтік желіде тарап кетті. Ер адам неге мұндай қадамға барғаны белгісіз.
Алматы қалалық полиция департаментінің баспасөз қызметі өкілдері Massaget.kz тілшісіне бұл оқиғаға қатысты пікір білдірді.
«Бостандық ауданы полиция бөлімінің мәліметінше, бұзақының жеке басы анықталды. Ол міндетті түрде ұсталып, жауапқа тартылады», — делінген жауапта.
