Пірадардың уағызын тыңдауға жиналған: Үндістанда діни шарада 121 адам өлді

Үндістанның солтүстігіндегі Уттар-Прадеш штатында өткен діни шарада адам қаптап, 121 адам қайтыс болды деп хабарлайды Qazaq.today ақпарат агенттігі.

Жергілікті полицияның мәліметінше, 80 000 адам жиналуға рұқсат етілген орынға 250 000 адам жиналып, атақты пірадардың уағызын тыңдауға келген. Қалың қауымның көптігінен адамдарға ауа жетпей, бірінің үстіне бірі құлап, тапталып мерт болған.

Ел билігі оқиғаның мән-жайын анықтау үшін арнайы комиссия құрды. Қаза болғандар мен зардап шеккендердің отбасына материалдық көмек көрсетілмек.

Қаза болғандардың көпшілігі әйелдер екені, арасында балалар да бар екені анықталды.

Еске сала кетсек, бұған дейін Үндістанда тұрғындар діни шараға қатысып, қаза болғаны туралы хабарланған еді.