Апелляциялық сот Арыстанбек Мұхамедиұлының ісін қарайды
Бүгін Астананың қылмыстық істер жөніндегі мамандандырылған ауданаралық сотының апелляциялық алқасы бұрынғы мәдениет және спорт министрі Арыстанбек Мұхамедиұлына, сондай-ақ, оның әйелі мен адвокатына қатысты іс пен үкімді қарайды, — деп хабарлайды Qazaq.today ақпарат порталы Massaget.kz — ке сілтеме жасап.
Істі қарау сағат 15.00-ге тағайындалған. Бұл туралы ақпарат сот кабинетінде пайда болды.
Айта кетейік, ақпанда Астана қылмыстық істер жөніндегі мамандандырылған ауданаралық соты Қазақстан Ұлттық музейінің бұрынғы директоры, бұрынғы мәдениет және спорт экс-министрі Арыстанбек Мұхамедиұлына және басқа да адамдарға қатысты үкім шығарды.
Мұхамедиұлы аса ірі көлемде пара алуға әрекеттенгені үшін кінәлі деп танылды. Өткен жазаны ескере отырып, бұрынғы шенеунік өмір бойына мемлекеттік қызметте қызмет атқаруға тыйым салынып, 11 жылға бас бостандығынан айырылды.
Фото: politic.kz
