Журналист Айдос Садықов ауруханада көз жұмды

Украина қастандық жасалған журналист Айдос Садықов көз жұмды, деп жазады Qazaq Today ақпарат агенттігі.

Наталья Садықова күйеуі Айдос Садықовтың қайтыс болғанын хабарлады.

18 маусымда Киевте Айдос Садықовтың басына оқ тиіп, өміріне қастандық жасалған еді. Тиген оқ оны басынан жарақаттаған. Ол ауыр халде ауруханаға түскен болатын.

Естеріңізге салсақ, Мемлекет басшысы Қасым-Жомарт Тоқаев Киевте Қазақстан журналисіне жасалған қастандық әрекетке қатысты пікір білдірген болатын.

«Елімізде Заң үстемдігін нығайтып жатырмыз, яғни барлық салада, ең алдымен, Заң үстемдігін қамтамасыз ету – басты міндет. Бұл мәселе бойынша менің көзқарасым – айқын. Мұны өздеріңіз де жақсы білесіздер. Қазақстанда Заң мен тәртіп бәрінен биік тұруға тиіс. Сондықтан қоғамдағы барлық қарама-қайшылықтар мен келіспеушіліктерді тек қана құқықтық тұрғыдан, яғни тиісті Заңнамаға және негізгі халықаралық нормаларға сәйкес шешу қажет. Кеше Қазақстан азаматы Айдос Садықовқа қатысты Киевте болған қылмысқа да дәл осы ұстаным тұрғысынан қараған жөн. Мен дипломатиялық арналар мен құқық қорғау органдары арқылы осы оқыс оқиға бойынша Украина тарапына ресми сұратулар жіберу туралы нақты тапсырма бердім. Сондай-ақ қажет болған жағдайда Қазақстанның ресми органдары істің ақиқатына жетуге жәрдем беру үшін тергеу жұмысына қатысуға дайын екенін айтқым келеді», – деді Президент.

Фото: azh.kz