Үндістанда теміржол апаты 15 адамның өмірін жалмады
Фото: el.kz
Үндістанның шығысында тауар тасымалдайтын пойыз бен жолаушылар пойызы соқтығысты, деп хабарлайды Qazaq Today ақпарат порталы.
Қайғылы оқиға салдарынан кем дегенде 15 адам көз жұмып, тағы 60 шақты адам жарақат алған, деп жазады el.kz.
Соңғы деректер бойынша, қайтыс болғандар арасында тауар тасымалдайтын пойыздың екі машинисі мен жолаушылар пойызының күзетшісі бар.
Құрбандар саны артуы мүмкін, себебі оқиға орнында құтқару жұмыстары әлі аяқталған жоқ.
Зардап шеккендердің барлығы ауруханаға жеткізілді.
Алдын ала болжам бойынша, соқтығысқа пойыздардың жүру кестесінің өзгеруі себеп болуы мүмкін.
