Балаларға зорлық-зомбылық көрсеткен адамның айыбын жасырғандар қылмыстық жауапкершілікке тартылуы мүмкін

Кәмелетке толмағандарға қатысты жасалған зорлық-зомбылық фактілерін жасырып қалған ата-аналар қылмыстық жауапкершілікке тартылуы мүмкін. Бұл туралы Оқу-ағарту министрлігі әзірлеген балалардың құқығын қорғаудың 2023-2025 жылдарға арналған кешенді жоспарында жазылған, деп хабарлайды Qazaq.today Azattyq Ruhy.-на сілтеме беріп.

«Әділет министрлігі жанындағы ведомствоаралық жұмыс тобына кәмелетке толмағандарға қатысты зорлық-зомбылық жасау фактілерін жасыратын ата-аналарға немесе заңды өкілдерге қатысты қылмыстық жауаптылықты енгізу бөлігінде ұсыныстар енгізу көзделеді», — делінген құжатта.

Сондай-ақ, қолданыстағы өзге де заңнамаға өзгеріс енгізу қарастырылып отыр.

Мәселен, сот құқық бұзушының (агрессор) кәмелетке толмағандарға қатысты мінез-құлқына қойылатын ерекше талаптарды бұзғаны үшін қылмыстық жауаптылық енгізуді қарастырады.

Балаға агрессия көрсеткен адам сотқа дейін баламен бірге тұрмайды. Бұл дегенміз құқық бұзушы тұрғын үйден уақытша шығарылады.

Бұл жұмыстар биылғы жылдың үшінші тоқсаны мен келесі жылдың бірінші тоқсанында кезең-кезеңімен қолға алынады жеп күтілуде.

Qazaq.today